2025-ci ilin yanvar-may aylarında Azərbaycanın bank sektorunun aktivləri 55,700 milyard manat təşkil edib və bu göstərici ötən ilin eyni dövrü ilə müqayisədə 13,5% artıb. Hesabat dövründə bankların cəmi öhdəlikləri 48,689 milyard manat, balans kapitalı isə 7,010 milyard manat olub.
Bu barədə Finss.az Azərbaycan Mərkəzi Bankına (AMB) istinadən xəbər verir.
Bankların kredit portfeli 26 milyon manat artaraq 28,498 milyard manata çatıb, ki, bu da ümumi portfeldə 0,1% artım deməkdir. Kredit portfelinin strukturu göstərir ki, biznes kreditləri 52,8% (15,055,8 milyon manat), istehlak kreditləri 31,6% (9,002,2 milyon manat), ipoteka kreditləri isə 15,6% (4,440,2 milyon manat) təşkil edir.
Ümumilikdə, bankların kredit portfelinin 85,8%-i milli valyutada, 14,2%-i isə xarici valyutada verilmiş kreditlərdən ibarətdir. 2024-cü ilin sonuna bu nisbətlər müvafiq olaraq 83,9% və 16,1% təşkil edirdi.
Fuad Mədətov
Finss.az
