BBC News Azərbaycanca Xidmətinin hazırladığı xəbərləri, təhlilləri və videoları birbaşa WhatsApp Kanalımızda izləyin. Qoşulmaq üçün linkə klikləyin.
Ermənistandan Kiprə azbüdcəli təyyarə ilə 18 dollara uçmaq mümkün olacaq.
BBC araşdırıb ki, ölkənin Gümri şəhərindən Kiprin Larnaca şəhərinə təyyarə ilə uçmaq istəyənlər daha tez erkəndən bilet alarlarsa, birtərəfli istiqamətə Azərbaycan valyutası ilə 30 manat xərcləyəcəklər.
Azərbaycanın ikinci şəhəri Gəncədən azbüdcəli təyyarə ilə təxminən eyni məsafəli yol üçün erkən rezarvasiyada biletlərin qiyməti isə 120-200 manat arası dəyişir.
Bu məqalədə Google YouTube məzmunu mövcuddur. Nə isə yüklənməmişdən əvvəl icazənizi istəyirik, çünki onlar kukilərdən və digər texnologiyalardan istifadə edə bilərlər. Qəbul etməzdən əvvəl Google YouTube kuki siyasəti və gizlilik siyasəti barədə oxumaq istəyə bilərsiniz. Bu məzmunu görmək üçün "qəbul edin və davam edin".
Video açılmırsa, Youtube kanalımızda baxın.
Azərbaycanda qonşu Qafaz ölkələrindəki təyyarə biletlərinin qiyməti tez-tez müzakirə olunur.
Belə bir müzakirədə sosial media istifadəçilərindən Aygün yazır:
"Kutaisidən Avropaya biletlərə baxın hələ, 29 avro, 33 avro… A kişi, Parisə ee.. Bizdə Qazaxda yaşayan adam "küçənin" o tayında olan Marneulidəki əmioğlusugilə getmək üçün 450 km Bakıya gəlməlidi, ordan 300 manata Tiflisə uçmalıdı, ordan 50 lariyə mənzil başına çatmalıdı. Sonra da geri… Sərhəd açıq olanda bu heç 10 manat da eləmirdi… Vallah day bilmirik, dərdimizi kimə deyək?"
Quru sərhədlər hələ də bağlı olduğundan ölkə vətəndaşları üçün hətta qonşu ölkələrə də gedib-gəlmək istəyəndə yeganə seçim təyyarədir.
Bu da xüsusilə, qonşu Gürcüstanda qohum-əqrəbası olanlar üçün əlavə çətinliklər yaradır.
Sosial mediada Zamina adlı bir istidadəçi yazır ki, Gürcüstanda qohumları rəhmətə gedib, yasa gedə bilmirlər, halbuki Gəncədən sərhədə maşınla 2 saatlıq yoldur. Əmisinin yasına getdiyini deyən bu istifadəçi hesablayıb ki, onun Gəncə-Bakı qatarıyla, Bakıdan Tbilisiyə təyyarə ilə, ordan da kəndə taksi ilə getməsi və eyni marşrut üzrə evinə qayıtması ona 800 manata başa gəlib.
Sosial media istifadəçilərindən biri Bakı-Tbilisi bileti almalıdı və səyahət qruplarının birində məsləhət istəyir ki, biletin daha ucuz başa gəlməsi üçün onu 1 ay əvvəldənmi alsın, ya səfərinə yaxınmı.
Ona məsləhət verənlər arasında biri yazıb ki, əgər subaydırsa, Naxçıvan qeydiyyatlı bir oğlanla evlənsin: "[Naxçıvandan keçərək] Türkiyə üzərindən Gürcüstana gedin. Sonra geriyə qayıdın. Belə olduqda gedib Gürcüstana çıxmağınız 100 manata və ya pulsuz başa gələcək.
Naxçıvan qeydiyyatlı Azərbaycan vətəndaşları Naxçıvandan quru yolla Türkiyəyə gedib-gələ bilərlər. Hökumət quru sərhədlərin bağlı saxlanması qərarında Naxçıvanı istisna edib.
Həsən adlı bir sosial media istifadəçisi hesab edir ki, AZAL rəqabətsiz işlədiyi üçün istədiyi qiymətləri qoyur, etiraz görmədikcə, qiyməti qaldırır: "Görəndə gediş-gəliş əladır, yenə qaldırır".
