Hurriyyet portalından verilən məlumata əsasən, ain.az bildirir.
Hurriyyet.az xəbər verir ki, RF XİN-in mətbuat katibi Mariya Zaxarova Ermənistanın Baş naziri Nikol Paşinyanın 9 noyabr 2020-ci il tarixində, RF Prezidenti Vladimir Putinin iştirakı ilə imzalanmış üçtərəfli danışıqlardan imtina etməsi ilə bağlı açıqlama verib. Xatırladaq ki, Paşinyan avqustun 28-də, hökumətin iclasından sonra keçirilən brifinqdə 9 noyabr 2020-ci il tarixli üçtərəfli razılaşmaya qayıtmağın mənasının olmadığını, bu sənədin keçmişdə qaldığını deyib. Onun sözlərinə görə, Ermənistanla Azərbaycan arasında 2025-ci il avqustun 8-də, Vaşinqtonda sülh razılaşmasının təməli qoyulub. Paşinyan vurğulayıb ki, o, “bərpa olunmuş sülhü qorumağı" öz vəzifəsi hesab edir və ictimaiyyəti narahat edən bütün məsələləri izah etməyə hazırdır.
Zaxarova bugünkü brifinqdə deyib: “Ermənistan, Rusiya və Azərbaycan arasında 2020-2022-ci illərdə əldə edilmiş və Cənubi Qafqazda bütün kommunikasiyaların blokdan çıxarılmasına dair üçtərəfli razılaşmalar aktuallığını saxlayır”.
Zaxarova tərəflərin heç birinin 9 noyabr bəyannaməsindən imtina etmədiyini deyərək əlavə edib:"Regiondankənar oyunçuların cəlb edilməsi münaqişə potensialını artırmamalı və yeni ayırıcı xətlər yaratmamalıdır. Bu yanaşma regional kommunikasiyaların bloklanmasına aiddir".
Zaxarovanın fikrincə, Paşinyanın dedikləri "nitq fiqurlarıdır". Zaxarova deyib: "daxil olmaq və ya çıxmaqla bağlı linqvistik, üslubi çalışmalar bir hekayədir, ikinci hekayə isə - mövcud sənədlərdir. Və məlumatın təqdimatındakı şəxsi üslubu yox, faktları şərh eləmək lazımdır".
Hürr Tərcüman
Hadisənin gedişatını izləmək üçün ain.az saytında ən son yeniliklərə baxın.
