Bakı, 1 sentyabr, AZƏRTAC
İngiltərənin “Mançester Yunayted” komandası heyətinə yeni qapıçı cəlb edib.
AZƏRTAC xəbər verir ki, bu barədə tanınmış insayder Fabritsio Romano məlumat yayıb.
Onun sözlərinə görə, Mançester təmsilçisi Belçikanın “Antverp” klubundan Senne Lammenslə anlaşıb.
“Qırmızı şeytanlar” bu keçid üçün qarşı tərəfə 21 milyon avro ödəyəcək.
Belçika millisinə dəvət alan Senne hələlik yığmada debüt etməyib.
