ABŞ Vətəndaşlıq və İmmiqrasiya Xidmətinin (USCIS) direktoru Cozef Edlou Vaşinqtondakı İmmiqrasiya Araşdırmaları Mərkəzində keçirilən tədbir zamanı vətəndaşlıq məsələlərini çətinləşdirmək lazım olduğunu deyib.
Bu haqda mənbələrə istinadən “Politico” məlumat yayıb.
Edlou, hazırkı imtahanın çox asan olduğunu, ABŞ qanunlarına görə vətəndaşlıq hüququ qazanmayanların immiqrasiya prosesində dəstəklənməsinə imkan verdiyini müdafiə edib.
O, imtahanın yalnız yüksək təhsilli namizədlərin keçə biləcəyi qədər çətin olmasını istəmədiyini, lakin yenə də bunun daha çox düşündürücü olması lazım olduğunu deyib.
O həmçinin qeyd edib ki, namizədlərdən amerikalı olmağın nə demək olduğunu ümumiləşdirən esse yazmağı xahiş etmək də məqsədəuyğun olar.
Məlumatda qeyd edilib ki, vətəndaşlıq müraciəti prosesində bu dəyişikliklərin tezliklə baş verməsi ehtimalı azdır və bu təkliflər Tramp administrasiyasının immiqrasiya prosesini daha ciddi şəkildə yoxlamaq siyasətinin bir hissəsidir.
//APA
