BAKI, 6 sentyabr. TELEQRAF
“Rusiya müharibəni uzatmağa davam edir, diplomatiyanı komediyaya çevirməyə çalışır, artıq buna birgə cavab olmalıdır”.
Teleqraf xəbər verir ki, bunu Ukrayna Prezidenti Volodimir Zelenski deyib.
“Prezident Tramp tamamilə haqlıdır: diplomatiyanın qarşısındakı maneələri qaldırmaq üçün Rusiya ilə (Avropa ölkələri arasında) neft-qaz ticarətinə təsiredici məhdudiyyətlər lazımdır.
Sanksiyalar təzyiqini artırmalı, Ukraynaya silah tədarük etməli və gələcəkdə belə işğalların təkrarlanmayacağına zəmanət verməliyik. Davamlı sülh effektiv və həqiqi təhlükəsizlik təminatlarını tələb edir. Biz gələcəkdə etibarlı sülhün bütün bu komponentlərini həyata keçirmək üçün çalışırıq”, - dövlət başçısı vurğulayıb.
