Ayrı-ayrı ölkələr tərəfindən başlanan ticarət və tarif müharibələri qlobal iqtisadiyyatı əhəmiyyətli dərəcədə sarsıdır.
NOCOMMENT.az bildirir ki, bunu onlayn formatda BRİKS sammitində Çin prezidenti Si Cinpin deyib.
“Hazırda dünyada dəyişikliklər inkişafı sürətləndirib, hegemonizm, birtərəflilik və proteksionizm çiçəklənir. Ayrı-ayrı ölkələr bir-birinin ardınca dünya iqtisadiyyatına ciddi zərbə vuran və beynəlxalq ticarət qaydalarına ciddi ziyan vuran ticarət və tarif müharibələri aparırlar”, – Sinxua xəbər agentliyi Çin liderinin sözlərindən sitat gətirir .
Onun sözlərinə görə, hazırda BRİKS ölkələri açıqlıq, tolerantlıq və əməkdaşlıq ruhuna riayət etməli, çoxtərəfliliyi birgə qorumalı, çoxtərəfli ticarət sistemini dəstəkləməlidir.
