Dmitri Peskov dolların və xüsusilə avronun məzənnəsinin uzun aylar davam edən sakitlikdən sonra kəskin şəkildə artdığı valyuta bazarında vəziyyətin dəyişməsini şərh edib.
Publika.az xəbər verir ki, ekspertlər iddia ediblər ki, büdcənin doldurulmasında yaranan problemlərə görə vəziyyət süni şəkildə yaradılır.
“Dolların məzənnəsini hesablamaq Kremlin səlahiyyətinə aid deyil”, - Peskov bildirib.
Eyni zamanda o qeyd edib ki, valyuta məzənnələrinin dəyişməsi bazar prosesləridir.
“Və hər bir vəziyyətdə qazananlar və uduzanlar olur - bəzən ixracatçılar bəyənir, idxalçılar isə bəyənmir, bəzən isə əksinə. Rublun məzənnəsinin bu və ya digər istiqamətdə dəyişməsindən həmişə faydalananlar var”, - Kreml sözçüsü qeyd edib.
