Bali adasının hakimiyyət orqanları son on ildə məşhur turist adasında ən pis hadisəyə çevrilən daşqın səbəbindən bir həftəlik fövqəladə vəziyyət elan edib.
Qaziler.az bildirir ki, bu barədə “Əl-Cəzirə” xəbər verir.
İndoneziya prezidenti Prabovo Subianto öz köməkçilərinə ölümcül daşqınların təmizlənməsini sürətləndirməyi, itkin düşənləri tapmağı və məcburi köçkünlərə lazımi ləvazimatları çatdırmağı tapşırıb.
Milli Fəlakətlərin Azaldılması Agentliyi (BNPB) itkin düşmüş insanların axtarışı və dağıntıların təmizlənməsi üçün müxtəlif qurumlardan 400-600 işçinin səfərbər edildiyini bildirib.
Xatırladaq ki, sentyabrın 8-də başlayan güclü yağışlar Bali adasında və Şərqi Nusa Tengqara əyalətində daşqın və torpaq sürüşməsinə səbəb olub. Ən azı 120 kənd su altında qalıb. 500-dən çox insan məktəblərə və məscidlərə təxliyə edilib.
Daşqınlar nəticəsində 20-yə yaxın insan həlak olub, daha 10 nəfər isə hələ də itkin düşmüş sayılır.
İndoneziyada yağış mövsümü adətən noyabrdan aprelə qədər davam edir. Lakin son illərdəki iqlim dəyişikliyi səbəbindən bu mövsüm uzanmağa başlayıb və daha ciddi təbii fəlakətlərə gətirib çıxarıb.
QAZİLER.AZ
