ain.az, Fanat portalına istinadən məlumatı açıqlayır.
Ötən gün Azərbaycan 1-ci Liqasında "Ordu" ilə ilk turun matçına çıxan "Şahdağ Qusar"ın oynayan rəhbəri Rahid Əmirquliyev görüşü sona qədər ehtiyat oyunçular skamyasından izləyib.
Veteran futbolçu 2:1 hesablı qələbə qazandıqları oyunda iştirak etməməsinin səbəbini Fanat.Az-a açıqlayıb:
"İki ay əvvəl əməliyyat olunmuşam. Hətta sonradan ikinci dəfə yarama müdaxilə olundu. Hazırda bərpa prosesi keçirəm. Yəqin hələ bir müddət də meydana çıxa bilməyəcəyəm. Həkimlər yaşıl meydana 2 ay sonra dönə biləcəyimi deyirlər. İnanıram ki, qışa qədər sıraya dönüb komandama kömək edə biləcəyəm. Çünki hələ oynamaq istəyirəm".
Qeyd edək ki, "Ordu" - "Şahdağ Qusar" qarşılaşmasının 50-ci dəqiqəsində hesabı asan qonaq komanda 5 dəqiqə sonra üstünlüyünü əldən versə də, dubl edən Ruslan Voronsovun 90+1-ci dəqiqəsində 3 xal gətirən qolun müəllifi olub.
Mirağa
Abunə Ol
Ən son xəbərləri və yenilikləri almaq üçün ain.az saytını izləyin.
