Türkiyədə korrupsiya istintaqı çərçivəsində İstanbulun Bayrampaşa bələdiyyəsinin sədri Həsən Mutlu saxlanılıb.
Yeniavaz.com xəbər verir ki, bu barədə TRT telekanalı məlumat yayıb.
Məlumata görə, “mənimsəmə”, “hədə-qorxu ilə tələb etmə”, “rüşvət vermək”, “rüşvət almaq”, “tenderdə saxtakarlıq etmə” cinayətləri ilə bağlı aparılan istintaq çərçivəsində bələdiyyə sədri də daxil olmaqla, 48 şübhəli haqqında həbs qərarı çıxarılıb.
İstanbul Polis İdarəsi Maliyyə Cinayətləri ilə Mübarizə Şöbəsinə verilən təlimatla şübhəlilərə aid 72 yaşayış və iş yerində axtarış və ələ keçirmə əməliyyatlarına başlanılıb.
