BAKI, 13 sentyabr. TELEQRAF
Sentyabrın 12-də Ermənistan daxili işlər naziri Arpine Sarkisyan ABŞ Dövlət Departamentinin Avropa və Avrasiya məsələləri üzrə Bürosunun baş rəsmisi Brendan Hanrahanın başçılıq etdiyi nümayəndə heyəti ilə görüşüb.
Teleqraf xəbər verir ki, bu barədə Ermənistan Daxili İşlər Nazirliyi məlumat yayıb.
Bildirilir ki, Arpine Sarkisyan ABŞ-nin vasitəçiliyi ilə Azərbaycan və Ermənistan arasında əldə edilmiş sülhün təmin olunmasındakı rolunu yüksək qiymətləndirib.
Görüşdə həmçinin təşkil olunmuş cinayətkarlıq, kiber cinayətlər və qanunsuz miqrasiyaya qarşı mübarizə sahəsində əməkdaşlıq, polis islahatlarına dəstək və kiber laboratoriyanın yaradılması müzakirə olunub.
Qeyd edilir ki, danışıqlar zamanı Ermənistanın suverenliyi və ərazi bütövlüyünün qorunması prinsipləri çərçivəsində "Tramp maşrutu" (Zəngəzur dəhlizi) layihəsi və əməkdaşlıqla bağlı digər məsələlər müzakirə olunub.
