UEFA Çempionlar Liqasının Liqa mərhələsinin 1-ci turunda keçiriləcək "Benfika" - "Qarabağ" oyununu idarə edəcək belçikalı FİFA referisi Erik Lambrext Ağdam təmsilçisi üçün uğursuz hakimdir.
Fanat.Az-ın məlumatına görə, o, daha öncə "köhlən atlar"ın 3 avrokubok matçında iş başında olub.
Maraqlıdır ki, "Qarabağ" bu qarşılaşmaların heç birində qələbə qazanmayıb. Bunlar "Molde" (2:2), "Frayburq" (1:2) və "Bazel" ilə oyunlardır.
Qeyd edək ki, sentyabrın 16-da reallaşacaq "Benfika" - "Qarabağ" görüşü Bakı vaxtı ilə 23:00-da başlayacaq.
Nihat
