Ukraynaya BMT sülhməramlı qüvvələrinin göndərilməsi istisna deyil, lakin bu addım yalnız münaqişədən sonra atıla biləcək.
Bakıvaxtı.az xəbər verir ki, bunu BMT Baş Assambleyasının Prezidenti Annalena Berbok deyib.
"Belə sülhməramlı missiyalara təkcə Avropada deyil, bütün dünyada əvvəlkindən də çox ehtiyac var. Əgər Ukraynada sülh razılaşması əldə olunarsa, bu razılaşma mümkün qədər qorunmalıdır. Əgər üzv dövlətlərin əksəriyyəti bunun üçün “Mavi dəbilqəlilərin” də tələb olunduğunu bildirərsə, ümid edirik ki, bu, davamlı sülhü təmin edə bilər", - Berbok vurğulayıb.
