ain.az bildirir, Marja.az saytına əsaslanaraq.
Qızıl bazarında qiymətlər ABŞ Federal Ehtiyat Sisteminin (FED, ABŞ Mərkəzi Bankı) bu həftə gözlənilən faiz qərarı öncəsi çox dəyişməyib. Bakı vaxtı ilə saat 08:30-a olan məlumata görə, qızılın unsiyası 0,1% artaraq 3644 dollar təşkil edib.
Marja xəbər verir ki, investorlar əmək bazarındakı zəifləmə səbəbindən bu həftə FED-in 0,25 bənd faiz azaldacağını gözləyirlər. Qızılın qiyməti son dörd həftədə ardıcıl artaraq rekord hədlərə yaxınlaşıb və bu il ümumilikdə təxminən 40% bahalaşıb.
VTB-də yüksək depozit faizləri daha çox qazandırır
Analitiklər geosiyasi gərginlik, Donald Trampın gömrük tarifləri gündəmi və mərkəzi bankların kütləvi alışlarının qiymətlərə dəstək verdiyini bildirirlər. Trampın Fed-in İdarə Heyətinin üzvü Liza Kukun vəzifədən uzaqlaşdırılmasına yönəlik addımları da bazarda narahatlıq yaradıb. Goldman Sachs bu prosesin qızılın qiymətini 5 000 dollara yaxınlaşdıra biləcəyini ehtimal edir.
Digər qiymətli metallar bazarında - gümüş və palladium ucuzlaşıb, platin isə 1 400 dolları aşaraq son 10 ilin ən yüksək səviyyəsinə yaxınlaşıb.
Eyni zamanda, ABŞ və Çin arasında Madriddə davam edən ticarət və təhlükəsizlik mövzusunda danışıqlarda mümkün yumşalma ehtimalı qızıl qiymətlərinə təzyiq göstərə bilər. Asiyada isə Taylandın Kambocaya qızıl ixracının 19% artması çirkli pulların yuyulması ehtimallarını gündəmə gətirib.
Sonrakı hadisələr barədə daha çox məlumat almaq üçün ain.az saytını izləyin.
