Türkiyədə dünən dəfn edilən şəhidin bu gün oğlu dünyaya gəldi (FOTO)

Qaynarinfo saytından verilən məlumata əsasən, ain.az məlumatı açıqlayır.

Türkiyənin Kütahya şəhərinin Aslanapa rayonunda avtomobilin vurması nəticəsində şəhid olan 26 yaşlı baş çavuş Yücel Yeşilin bu gün oğlu dünyaya gəlib.

Qaynarinfo xəbər verir ki, iyunda boşandığı həyat yoldaşı Özlem Uyğunun dünyaya gətirdiyi oğlan uşağına şəhid atasının adı verilib.

Qəza sentyabrın 13-də, saat 11:30 radələrində Kütahya-Gediz avtomobil yolunun 40-cı kilometrində, Göynükören qovşağı yaxınlığında baş verib. Abdullah D.-nin idarəetməni itirdiyi avtomobil qarşı zolağa çıxaraq Çavdarhisar Rayon Jandarma Komandanlığı əməkdaşı baş çavuş Yücel Yeşilə çırpılıb.

Hadisə yerinə çox sayda təcili yardım, polis və jandarma qüvvələri cəlb olunub. Tibbi yoxlamadan sonra Yücel Yeşilin şəhid olduğu müəyyənləşdirilib. Avtomobildə olan üç nəfər yaralanıb, Kütahya Şəhər Xəstəxanasına yerləşdirilib. Qəzada xəsarət açlmayan sürücü Abdullah D. isə saxlanılıb.

Şəhid Yücel Yeşilin cənazəsi dünən doğulduğu Manisanın Kula rayonuna bağlı Bayramşah kəndində keçirilən mərasimlə torpağa tapşırılıb.

Aydın