BAKI, 16 sentyabr. TELEQRAF
Bu gün "Qarabağ" UEFA Çempionlar Liqasının əsas mərhələsində mübarizəyə başlayacaq.
Teleqraf xəbər verir ki, Azərbaycan çemoionu Portuqaliyada "Benfika" ilə qarşılaşacaq.
Paytaxt Lissabondakı "Da Luj" stadionunda təşkil olunacaq görüş Bakı vaxtı ilə saat 23:00-da başlanacaq.
Matçı belçikalı FIFA referisi Erik Lambrexts idarə edəcək.
Qeyd edək ki, “Qarabağ” növbəti oyununu oktyabrın 1-də Bakıda Danimarkanın “Kopenhagen” komandasına qarşı keçirəcək.
UEFA Çempionlar Liqası
Əsas mərhələ, I tur
16 sentyabr
23:00. "Benfika" (Portuqaliya) - "Qarabağ" (Azərbaycan)
Hakimlər: Erik Lambrexts, Co De Vayrdt, Kevin Monteni, Natan Verbumen
VAR: Bram Van Drişşe (hamısı Belçika)
VAR köməkçisi: Fedayi San (İsveçrə)
Lissabon, "Da Luj" stadionu.
