Ukrayna prezidenti Vladimir Zelenski sentyabrın 15-də Sky News telekanalına verdiyi müsahibədə ABŞ prezidenti Donald Trampı Ukraynada müharibəni dayandırmaq üçün “aydın mövqe” nümayiş etdirməyə çağırıb.
Zelenski bildirib ki, döyüşlərin dayandırılmasının yeganə yolu Rusiyaya qarşı sərt sanksiyaların tətbiqi və Ukraynaya aydın təhlükəsizlik təminatlarının verilməsidir. Onun sözlərinə görə, bu məqsədə yalnız “Tramp cəsarət göstərsə” nail olmaq mümkündür.
Ukrayna lideri Ağ Evin Avropanın Moskvaya kifayət qədər təzyiq göstərməməsi, Rusiya neftindən imtina və Çinə tariflər tətbiq etməsi ilə bağlı açıqlamaları fonunda Trampı Rusiyanın qeyri-legitim prezidenti Vladimir Putinin işğalını dayandırmaq üçün “qətiyyətli şəxsi addımlar atmağa” dəvət edib.
“ABŞ müstəqil qərarlar qəbul etmək üçün kifayət qədər güclüdür”, – deyə Zelenski vurğulayıb. Onun sözlərinə görə, Tramp Ukraynaya kifayət qədər hava hücumundan müdafiə sistemləri təmin edə, həmçinin Rusiyanın iqtisadiyyatına ağır zərbə vuracaq sanksiyalar tətbiq edə bilər. “Trampın özü Putini qorxutmaq üçün yetərli gücə sahibdir”, – Zelenski əlavə edib.
Prezident xatırladıb ki, Avropa İttifaqı indiyədək Rusiyaya qarşı 18 sanksiya paketi qəbul edib: “İndi çatışmayan yeganə addım ABŞ-ın güclü sanksiyalar paketidir”.
Zelenski həmçinin vurğulayıb ki, müharibə sona çatana qədər bütün tərəfləri əhatə edən razılaşmalar əldə olunmalıdır:
“ABŞ və bütün avropalı tərəfdaşların dəstəkləyəcəyi bir sənədə sahib olmaq istəyirəm. Bunun üçün isə prezident Trampın dəqiq mövqeyi çox vacibdir”.
Xəbər 35 dəfə oxunub.
Zelenski bildirib ki, döyüşlərin dayandırılmasının yeganə yolu Rusiyaya qarşı sərt sanksiyaların tətbiqi və Ukraynaya aydın təhlükəsizlik təminatlarının verilməsidir. Onun sözlərinə görə, bu məqsədə yalnız “Tramp cəsarət göstərsə” nail olmaq mümkündür.
Ukrayna lideri Ağ Evin Avropanın Moskvaya kifayət qədər təzyiq göstərməməsi, Rusiya neftindən imtina və Çinə tariflər tətbiq etməsi ilə bağlı açıqlamaları fonunda Trampı Rusiyanın qeyri-legitim prezidenti Vladimir Putinin işğalını dayandırmaq üçün “qətiyyətli şəxsi addımlar atmağa” dəvət edib.
“ABŞ müstəqil qərarlar qəbul etmək üçün kifayət qədər güclüdür”, – deyə Zelenski vurğulayıb. Onun sözlərinə görə, Tramp Ukraynaya kifayət qədər hava hücumundan müdafiə sistemləri təmin edə, həmçinin Rusiyanın iqtisadiyyatına ağır zərbə vuracaq sanksiyalar tətbiq edə bilər. “Trampın özü Putini qorxutmaq üçün yetərli gücə sahibdir”, – Zelenski əlavə edib.
Prezident xatırladıb ki, Avropa İttifaqı indiyədək Rusiyaya qarşı 18 sanksiya paketi qəbul edib: “İndi çatışmayan yeganə addım ABŞ-ın güclü sanksiyalar paketidir”.
Zelenski həmçinin vurğulayıb ki, müharibə sona çatana qədər bütün tərəfləri əhatə edən razılaşmalar əldə olunmalıdır:
“ABŞ və bütün avropalı tərəfdaşların dəstəkləyəcəyi bir sənədə sahib olmaq istəyirəm. Bunun üçün isə prezident Trampın dəqiq mövqeyi çox vacibdir”.
Xəbər 35 dəfə oxunub.
