Təhsildə Keyfiyyət Təminatı Agentliyi (TKTA) tərəfindən müəyyən edilmiş dövr ərzində xarici kvalifikasiyaların tanınması ilə bağlı 3480 müraciət üzrə ekspertiza həyata keçirilib.
AzEdu.az-ın xəbərinə görə, bu barədə brifinqdə TKTA-nın İdarə Heyətinin sədri Tural Əhmədov məlumat verib.
Ekspertiza nəticəsində 2989 müraciət üzrə müsbət rəy verilib və müraciətçilərə xaricdə əldə olunan kvalifikasiyaların tanınması haqqında şəhadətnamələr təqdim olunub. Qalan 491 müraciət üzrə isə mənfi rəy verilib və həmin kvalifikasiyaların ölkə ərazisində tanınması mümkün olmayıb.
