Bu gün "Qarabağ"ın U-19 komandası da növbəti sınağına çıxacaq.
Fanat.Az xəbər verir ki, Rəşad Sadiqovun baş məşqçisi olduğu kollektiv UEFA Gənclər Liqasının əsas mərhələsində Portuqaliyada "Benfika"nın gəncləri ilə üz-üzə gələcək.
Matç saat 14:00-da start götürəcək. Oyunda ədaləti FIFA referisi Ceymi Robinsonun başçılıq etdiyi Şimali İrlandiyadan olan hakimlər briqadası qoruyacaq.
Qeyd edək ki, U-19 oktyabrın 1-də Bakıda Danimarka təmsilçisi "Kopengahen"lə qarşılaşacaq.
UEFA Gənclər Liqası
Liqa mərhələsi, 1-ci tur
16 sentyabr
"Benfika" U-19 (Portuqaliya) - "Qarabağ" U-19 (Azərbaycan) 7:1 (2-ci hissə)
Qollar: Fiqueyredo 6. Moreyra, 15; 17; 26; 38-pen. Fransisko, 20. Manuel, 61 - Əli Qazıbəyov, 85.
Hakimlər: Ceymi Robinson, Adam Ceffri, Brayan Uilson (Şimali İrlandiya), Dioqu Roşa (Portuqaliya).
Seixal. "Futebol Campus".
"Qarabağ" oyuna bu "11-lik"lə çıxıb: 1. Teymur Həsənov, 6. Həbib Qədimov, 13. Rəvan Teymurov, 23. Rəşad Alışov, 3. Amin Rzayev, 5. Əbdüləziz Cabbarlı, 21. Hikmət Cəbrayılzadə (k), 8. Əli Qazıbəyov, 7. Əhməd Vəliyev, 9. Əli İbrahim, 11. Əli Əliyev.
