BAKI,TurkicWorld:
Beynəlxalq Valyuta Fondunun (BVF) məlumatına görə, Azərbaycanda özəl sektorun borcu, o cümlədən kreditlər və borc qiymətli kağızları 2024-cü ilin sonuna ÜDM-in 20,98 faizini, mərkəzi hökumətin dövlət borcu isə ÜDM-in 20,85 faizini təşkil edib.
Bu barədə TurkicWorld BVF-na istinadən xəbər verir.
Beynəlxalq Valyuta Fondunun Qlobal borca hqda yenilənmiş məlumat bazasına əsasən, qlobal miqyasda 2024-cü ildə ümumi borc ÜDM-dən 235 faizdən bir qədər çox olub.
Bu arada, özəl sektorun borcu ÜDM-in 143 faizindən aşağı enərək 2015-ci ildən bəri minimal səviyyəyə çatıb ki, bu da əsasən ev təsərrüfatlarının öhdəliklərinin azalması hesabına baş verib. Bununla yanaşı, dövlət borcu isə ÜDM-in təxminən 93 faizinə qədər artıb.
Dollar ifadəsində isə qlobal borc cüzi artaraq 251 trilyon dollara yüksəlib ki, bunun 99,2 trilyonu dövlət sektorunun, 151,8 trilyonu isə özəl sektorun payına düşür.
