“Meta” şirkəti displeyli “ağıllı” eynək və jestlərlə idarə olunan “neyroqolbaq” təqdim edib. “Meta Ray-Ban Display” — korporasiyanın ilk displeyli eynəyidir. Displey sağ linzaya quraşdırılıb. Kontent onun alt hissəsinə yaxın, yarımşəffaf lövhəcikdə yerləşir. Cihazınçəkisi 70 qramdır. Eynək 12 MP-lik ultragenişbucaqlı kamera, üçqat zum və vizör, həmçinin altı mikrofon və Bluetooth dəstəkli iki dinamiklə təchiz olunub.
Məqsəd eynəklərlə telefonu tam əvəz etmək deyil, gündəlik işləri sadələşdirməkdir. Məsələn, süni intellekt köməkçisindən yaxınlıqdakı kofe məkanlarını tapmağı və marşrutu displeydə göstərməyi xahiş etmək olar. Beta-versiyada yalnız bəzi şəhərlər dəstəklənəcək, lakin zamanla siyahı genişlənəcək.
https://banker.az/wp-content/uploads/2025/09/download-5.mp4Sistem iOS və Android smartfonlarından gələn SMS, WhatsApp, Instagram və Facebook Messenger mesajlarıni qəbul edəcək. Ətrafdakı insanlar sizin izlədiyiniz kontenti görməyəcəklər. Eyni zamanda, çatlarda daha sürətli cavab vermək üçün jestlərdən istifadə etmək mümkün olacaq.
Videozəngləri hələki yalnız WhatsApp və Facebook Messenger vasitəsilə qəbul etmək mümkündür — həmsöhbətinizə öz displeyinizi və ya qarşınızdakı mənzərəni nümayiş etdirmək imkanı ilə.
https://banker.az/wp-content/uploads/2025/09/download-6.mp4 https://banker.az/wp-content/uploads/2025/09/download-7.mp4Cihaz həmçinin canlı nitqi mətnə çevirə və bəzi dillərdən tərcümə edə bilir.
https://banker.az/wp-content/uploads/2025/09/download-8.mp4Musiqi, podkast və audio kitabların dinlənilməsi jestlərlə idarə olunur.
Daxili süni intellekt assistenti həmçinin naməlum obyekti tanımağa və ya onun haqqında daha çox məlumat almağa kömək edəcək. Şirkətin təqdim etdiyi nümunədə istifadəçi qarşısındakı pomidorların Meksika sousu üçün uyğun olub-olmadığını soruşur və resepti sorğu edir.
https://banker.az/wp-content/uploads/2025/09/download-9.mp442 qram çəkisi olan qolbaq elektromioqrafik siqnal sensorları ilə təchiz olunub, buna görə əzələlərin ən kiçik hərəkətlərini belə tanıyaraq onları sistem üçün “əmrlərə çevirir”. O, 200 min iştirakçının, o cümlədən fiziki məhdudiyyətli insanların iştirakı ilə aparılmış tədqiqat əsasında hazırlanıb.
Eynəklər üç ölçüdə və iki rəngdə (qara və qum rəngi) satışa çıxarılacaq. 799 dollarlıq qiymətə eynəklərlə yanaşı enerji doldurma qutusu, USB-C kabeli, bilərzik və onun üçün adapter və təlimat kitabçası daxildir.
Eynəklər vektran materialından hazırlanıb və bir enerji doldurması ilə altı saata qədər işləyə bilir. Bilərziyin avtonomluğu 18 saat təşkil edir. Satışlar 30 sentyabr 2025-ci ildə açılacaq. Cihazlar əvvəlcə yalnız ABŞ-nin bəzi mağazalarında oflayn rejimdə təqdim olunacaq. 2026-cı ilin əvvəlində yenilik Kanada, Fransa, İtaliya və Böyük Britaniyada satışa çıxarılacaq.
