Erməni əsilli amerikalı realiti-şou ulduzu Kim Kardaşyanla keçmiş həyat yoldaşı reper Kanye Uestin 2018-ci ildə baş tutmuş gərgin telefon danışığı yeni yayımlanan “In Whose Mind? adlı sənədli filmdə əks olunub.
Filmdə yayımlanan görüntülərdə Kardaşyan həyat yoldaşına şirkətlərlə əlaqələri kəsməməsi barədə xəbərdarlıq edir:
“Şirkətlərlə körpüləri yandırmağın əleyhinəyəm. Bir gün oyanacaqsan və əlində heç nə qalmayacaq”.
Kanye isə bu sözlərə əsəbi reaksiya verir:
“Heç vaxt mənə “bir gün heç nəyin qalmayacaq” demə. Belə bir şeyi kainata söyləmə!”
Filmdə Kim Kardaşyanın göz yaşları içində dediyi sözlər də yer alır:
“Yata bilmirəm, bütün günü ağlayıram. Bitməyən bir kabusun içindəyəm”.
Uest isə sərt şəkildə cavab verir:
“Musiqi sənayesi mənim vecimə deyil, mən köləlik işinin içindəyəm”.
Sənədli filmdə Kim Kardaşyanın anası Kris Cennerin də Kanye Uest ilə gərgin telefon söhbətinə yer verilir. Həmin kadrda Kanyeyə 2016-cı ildə bipolar pozuntu diaqnozu qoyulduğu xatırladılır. Uestin isə həmin vaxt “Dərman qəbul etməkdənsə, ölməyi üstün tutaram” dediyi açıqlanır.
Cütlüyün nikahı 2021-ci ildə başa çatıb, boşanma prosesi isə 2022-ci ildə rəsmiləşib. Onların 8 illik evlilikdən 4 övladı var. (Musavat.com)
