Almaniya kansleri Fridrix Mertsin populyarlıq reytinqi aşağı düşməkdə davam edir – o, alman siyasətçiləri arasında 14-cü yerdən 18-ci yerə düşüb.
Busaat.az xəbər verir ki, bu, INSA sosioloji institutunun və “Bild” qəzetinin keçirdiyi sorğunun nəticələrinə görə belədir.
Yalnız Almaniya üçün Alternativin (AfD) həmsədri Tino Çrupalla və CDU/CSU parlament qrupunun rəhbəri Yens Spahn hazırda reytinqlərdə Mertsdən aşağıdır. Qəzet qeyd edib ki, ötən həftənin sonunda kansler yeni minimumu müəyyən edib: INSA sorğusunun nəticələrinə görə almanların 62%-i onun fəaliyyətindən narazı olduğunu bildirib.
AfD həmsədri “Alice Weidel” populyarlıq reytinqini yaxşılaşdıraraq, hazırda 10-cu yerdədir. Müdafiə naziri Boris Pistorius zirvədə qalır.
Sorğu həmçinin göstərdi ki, AfD Almaniyanın siyasi partiyaları reytinqində Xristian Demokratları qabaqlamağa davam edir. Əgər gələn bazar günü parlament seçkiləri keçirilsəydi, o, 26%, CDU/CSU bloku isə 24,5% səs alacaqdı.
Almaniya Sosial Demokrat Partiyası 14,5%, Sollar Partiyası 11,5%, Yaşıllar 11% səs alacaqdı. Qalan partiyalar Bundestaqa daxil olmaq üçün tələb olunan 5%-lik baryeri keçə bilməzdilər.
Sorğu sentyabrın 19-dan 22-dək keçirilib. Ümumilikdə 2002 nəfər iştirak edib.
Yeganə
