Bizimyol portalından verilən məlumata əsasən, ain.az bildirir.
Hindistan hökuməti Rusiyadan əlavə "S-400 Triumf" sistemləri və ya yeni nəsil "S-500 Prometheus" almaqla hava hücumundan müdafiə raket arsenalını genişləndirməyi düşünür.
Bizimyil.info xəbər verir ki, bu barədə “Print” qəzeti hökumətdəki mənbələrə istinadən məlumat yayıb.
Mənbələr vurğuladılar ki, daha çox Rusiya "S-400" hava hücumundan müdafiə sistemlərinə ehtiyac onların yüksək effektivliyi ilə bağlıdır və bu, Hindistanın may ayında Pakistandakı terrorçu hədəflərə qarşı həyata keçirdiyi "Sindoor" əməliyyatı zamanı nümayiş etdirilib.
Üstəlik, mənbələr Hindistan tərəfinin nəzərdən keçirdiyi variantlar arasında təkcə "S-400" deyil, "S-500" sistemlərini də qeyd edib.
"Rusiya istehsalı olan "S-400" "Sindoor" əməliyyatında özünü çox yaxşı sübut etdi və böyük çəkindirmə potensialına malikdir. Bəli, biz bu sistemlərdən daha çoxunu əldə etməyi düşünürük. Yaxud "S-500" də ala biəcəyimizi düşünürük, - deyə qəzetin mənbələrindən biri bildirib.
Nəşr xatırladıb ki, 2018-ci ildə Moskva ilə Yeni Dehli arasında beş "S-400" sisteminin tədarükünə dair imzalanmış müqaviləyə əsasən, inflyasiya və məzənnə dəyişikliyi nəzərə alınmaqla eyni qiymətə daha beş sistemin alınması üçün müddəa hazırlanıb.
Hindistan artıq bəzi sistemləri alıb, qalan ikisinin isə bir il ərzində çatdırılması gözlənilir.
2018-ci ildə Hindistan 5,43 milyard dollara beş "S-400" hava hücumundan müdafiə sistemlərinin alınmasına dair müqavilə imzalayıb.
Rusiyadan alınan ilk “Triumf” raket sistemi Pakistanla sərhəddə yerləşən Pəncab əyalətində yerləşdirilib.
Aprelin 22-də turistik Pahalqam şəhərində (Cammu və Kəşmirin Hindistan Birliyinin Ərazisi) terror aktından sonra Yeni Dehli mayın 7-də Pakistanda terrorçularla əlaqəli hədəflərə zərbə endirərək "Sindoor" əməliyyatına başlayıb.
Sentyabrın 2-də Hərbi-Texniki Əməkdaşlıq üzrə Federal Xidmətin (FSMTC) direktoru Dmitri Şuqayev bəyan edib ki, Rusiya və Hindistan arasında əməkdaşlıq Rusiyanın "S-400" hava hücumundan müdafiə raket sistemlərinin Nyu Dehliyə tədarükünü artırmaqla genişləndirilə bilər.
Onun sözlərinə görə, hazırda hər iki tərəf danışıqlar aparır.
Qadir, Bizimyol.info
Ən son xəbərləri və yenilikləri almaq üçün ain.az saytını izləyin.
