Alimlər sübut ediblər ki, kifayət qədər su içmək yalnız bədəni təmizləmir və böyrəkləri qorumaqla kifayətlənmir, həm də sinirləri sakitləşdirir və stressi azaldır.
E-saglam.az xəbər verir ki, aparılan beynəlxalq araşdırma Journal of Applied Physiology (“Tətbiqi Fiziologiya Jurnalı”nda) dərc olunub. Eksperimentdə iştirakçılar iki qrupa bölünüb: biri kifayət qədər su içənlər, digəri isə az su qəbul edənlər idi. Onların hər biri xüsusi stres testi – Trier sosial stress testindən keçirilib.
Testin nəticəsi olaraq:
Az su içənlərdə stres hormonu kortizolun səviyyəsi xeyli yüksəlib.
Kifayət qədər su qəbul edənlərdə isə kortizol sabit qalıb.
Kortizol adətən bədəni “döyüş və ya qaçış” reaksiyasına hazırlayır. Bu, qısamüddətli faydalı mexanizm olsa da, hormonun tez-tez və artıq ifrazı hipertoniya, ürək-damar xəstəlikləri, piylənmə, böyrək və maddələr mübadiləsi problemlərinə yol aça bilər.
Alimlərin qənaətinə görə, gündə 2 litr (təxminən 8 stəkan) su içmək stressin mənfi təsirlərindən qorunmaq üçün vacibdir. Su yalnız orqanizmi nəmləndirmir və zərərli maddələri xaric etmir, həm də əsəbləri sakitləşdirir.
Tərcümə: Nəzrin Abbas
E-saglam.az
