“İnanıram ki, gələcəkdə mən olimpiya çempionu olaraq bayrağımızı beynəlxalq arenalarda dalğalandıracam”.
Bu sözləri APA-ya açıqlamasında Azərbaycanın ev sahibliyi etdiyi III MDB oyunları çərçivəsində taekvondo idman növü üzrə 68 kiloqram çəki dərəcəsində qızl medal qazanan taekvondoçu Vasif Səlimov deyib.
O, yarışlara böyük həvəslə hazırlaşdığını əlavə edib: "Yarışa böyük həvəslə hazırlaşmışdım. Özümə inamım böyük idi. Rəqiblərim güclü olsa da mən inamlı mübarizə apararaq öz çəki dərəcəmdə qızıl medal qazandım. Gələcəkdəki hədəfim olimpiya çempionu olmaqdır".
