BAKI, 01 oktyabr. TELEQRAF
ABŞ-nin strateji yanacaq təyyarələri Yaxın Şərqə dislokasiya olunub, bu da regionda mümkün hərbi əməliyyatlara hazırlıqdan xəbər verə bilər.
Teleqraf xəbər verir ki, bu barədə “Colonelcassad” teleqram kanalı məlumat yayıb.
Yanacaq təyyarələri zərbə funksiyaları daşımasa da, onların mövcudluğu uzunmüddətli aviasiya əməliyyatlarının təmin edilməsi üçün kritik əhəmiyyət kəsb edir.
“Bunun, İranın yeraltı nüvə obyektlərinə (xüsusilə Fordo və İsfahanda) və ya husilərin dağlardakı yeraltı bazalarına hücum məqsədilə edildiyi istisna olunmur”, - teleqram kanalı iddia edir.
