“VKontakte” sosial şəbəkəsinin və “Telegram” messencerinin yaradıcısı Pavel Durov bildirib ki, 2018-ci ildə onun həyatına qarşı zəhərlənmə cəhdi olub.
XəzərNews.az xəbər verir ki, o, bu barədə sentyabrın 30-da podkaster Lex Friedman-a müsahibəsində danışıb.
Durovun sözlərinə görə, hadisə TON layihəsi üçün maliyyə axtardığı dövrdə baş verib. Həmin vaxt bəzi ölkələr “Telegram”ı bloklamağa cəhd edirdi. O dövrdə kirayədə yaşayan Durov qonşusunun şübhəli davranışlarından söz açıb. Bir dəfə qonşusu evə gəlməmiş onun qapısına nəsə qoyub gedib. Durov evə qayıtdıqdan bir saat sonra isə özünü pis hiss etməyə başlayıb.
“Bütün bədənimdə ağrı hiss etdim. Ayağa qalxıb tualetə getməyə çalışdım, amma bədənim zəifləməyə başladı. Əvvəl görməyim və eşitmə qabiliyyətim, sonra nəfəsim kəsildi. Hər şey kəskin ağrılarla müşayiət olunurdu – ürək, mədə, damarlar... Mən bunun zəhərlənmə olduğunu anladım”, – deyə Durov xatırladıb.
Onun sözlərinə görə, özünü ölü bildiyi anlar yaşayıb. Ertəsi gün yerdə oyandığını, lakin çox zəif halda olduğunu və yeriyə bilmədiyini qeyd edib: “İki həftə ayağa qalxa bilmədim. Bədənimdə qan damarları partlamışdı”.
Durov bu barədə nə komandasına, nə də digər şəxslərə məlumat verdiyini deyib. O, hadisənin hansı ölkədə baş verdiyini və kimdən şübhələndiyini açıqlamayıb.
Hazırda onun səhhətində hər hansı problem olmadığı bildirilir.
Xəbər 1 dəfə oxunub.
XəzərNews.az xəbər verir ki, o, bu barədə sentyabrın 30-da podkaster Lex Friedman-a müsahibəsində danışıb.
Durovun sözlərinə görə, hadisə TON layihəsi üçün maliyyə axtardığı dövrdə baş verib. Həmin vaxt bəzi ölkələr “Telegram”ı bloklamağa cəhd edirdi. O dövrdə kirayədə yaşayan Durov qonşusunun şübhəli davranışlarından söz açıb. Bir dəfə qonşusu evə gəlməmiş onun qapısına nəsə qoyub gedib. Durov evə qayıtdıqdan bir saat sonra isə özünü pis hiss etməyə başlayıb.
“Bütün bədənimdə ağrı hiss etdim. Ayağa qalxıb tualetə getməyə çalışdım, amma bədənim zəifləməyə başladı. Əvvəl görməyim və eşitmə qabiliyyətim, sonra nəfəsim kəsildi. Hər şey kəskin ağrılarla müşayiət olunurdu – ürək, mədə, damarlar... Mən bunun zəhərlənmə olduğunu anladım”, – deyə Durov xatırladıb.
Onun sözlərinə görə, özünü ölü bildiyi anlar yaşayıb. Ertəsi gün yerdə oyandığını, lakin çox zəif halda olduğunu və yeriyə bilmədiyini qeyd edib: “İki həftə ayağa qalxa bilmədim. Bədənimdə qan damarları partlamışdı”.
Durov bu barədə nə komandasına, nə də digər şəxslərə məlumat verdiyini deyib. O, hadisənin hansı ölkədə baş verdiyini və kimdən şübhələndiyini açıqlamayıb.
Hazırda onun səhhətində hər hansı problem olmadığı bildirilir.
Xəbər 1 dəfə oxunub.
