ain.az bildirir, Azpolitika.az portalına istinadən.
ABŞ və İsrailin İrana yeni hücum hazırlıqları içərisində olduğu bildirilir.
Xarici KİV-lərdə yer alan məlumata görə, ABŞ Hərbi Hava Qüvvələrinə məxsus ən azı bir "KC-135" stratotanker tipli yanacaq doldurma təyyarəsi Atlantik okeanını keçərək Qətərdəki Al Udeid Hava Bazasına yerləşdirilib. Bu hərbi aktivlik, Virciniyadakı Quantiko bazasında keçirilən gizli toplantı və İsrailin İrana qarşı sərt bəyanatları ilə eyni vaxta təsadüf edib.
Məlumatlara görə, təyyarələr İngiltərə üzərindən Qətərə istiqamətləndirilib. Bu uçuşlar son ayların ən böyük transatlantik tanker cəmləşməsi hesab olunur. Ekspertlərə görə, yanacaq doldurma təyyarələri uzaqmənzilli hücum əməliyyatlarında xüsusi əhəmiyyət daşıyır.
ABŞ-nin bundan əvvəlki oxşar yerləşdirmələri İrana bağlı hədəflərə zərbələrdən öncə həyata keçirildiyindən, yeni əməliyyat ehtimalı da güclənib.
İsrail mediası yazır ki, ordu rəhbərliyi lazım gələrsə, İrana qarşı əməliyyata başlamağa hazırdır. Maraqlıdır ki, Baş nazir Benyamin Netanyahu da Vaşinqtonda Donald Trump ilə görüşündə Tehranın bölgədə “ciddi təhlükə” yaratdığını bildirmişdi.
"AzPolitika.info"
Daha ətraflı məlumat və yeniliklər üçün ain.az saytını izləyin.
