Elmi adı "Galgadraco zephyrius" olan yeni növ Braziliyada aşkar edilib və ölkədə qeydə alınan ilk ajdarxid (pterozavrların “əjdaha” adlanan qrupu) hesab olunur.
Publika.az xəbər verir ki, kəşf barədə məlumat “Papers in Paleontology” jurnalında dərc olunub.
Mütəxəssislərin sözlərinə görə, "Galgadraco zephyrius" təxminən 70–67 milyon il əvvəl, Təbaşir dövründə indiki Braziliya ərazisində yaşayıb.
Alimlər bildirirlər ki, bu növün Rumıniyanın Haseq hövzəsində tapılmış bir ajdarxidlə heyrətamiz oxşarlığı var. Pterozavrların bu xüsusi qrupu uçan və sürünən orqanizmlərlə zəngin olması ilə seçilir.
