Danimarkanın Baş naziri Mette Frederiksen Avropada hibrid müharibənin getdiyini bildirib.
"Operativ Məlumat Mərkəzi-OMM" xəbər verir ki, bu barədə ''Reuters'' məlumat yayıb.
Oktyabrın 1-də Kopenhagendə keçirilən Avropa liderlərinin qeyri-rəsmi sammitində Frederiksen NATO-nu Rusiyanın Avropanı parçalamaq məqsədi daşıdığı iddia edilən kollektiv Qərblə qarşıdurmasında addımlarına cavab verməyə və fəaliyyətini gücləndirməyə çağırıb. Lakin o, Rusiyanın pilotsuz təyyarə insidentlərində iştirakına dair konkret sübut təqdim etməyib.
Eyni kontekstdə Almaniyanın xarici işlər naziri İohan Vadeful NATO-ya Rusiyanı günahlandıran pilotsuz təyyarə insidentlərinə qarşı həddindən artıq reaksiya verməmək barədə xəbərdarlıq edib. O bildirib ki, Rusiya Prezidenti Vladimir Putin guya “iğtişaşlar yaratmaq” niyyətindədir, lakin NATO-nun cavabı “çox uyğun” olur. Vadeful hesab edir ki, “icazə verilən hədləri” aşmaq düzgün olmazdı.
