Azərbaycan I Liqasında 4-cü tur davam edir.
Fanat.Az xəbər verir ki, bu gün daha üç görüş baş tutub.
"Səbail" Şamaxıda "Şimal"la üz-üzə gəlib. Elvin Məmmədovun baş məşqçisi olduğu "dənizçilər" səfərdə xal itirib.
Çempionluğa iddialı digər komanda "Şəfa" isə evdə MOİK-lə münasibətlərinə aydınlıq gətirib. Paytaxt komandalarının duelindən meydan sahibləri qalib ayrılıb. Elgiz Kərəmlinin komandası darmadağına sevinib.
Daha bir görüşdə isə "Zaqatala" "Baku Sportinq"i sınağa çəkib. Tərəflər hərəyə 1 qol vurub 1 xal əldə ediblər.
Qeyd edək ki, turun dünən baş tutan açılış oyununda "Mingəçevir" ilə "Şahdağ Qusar" qolsuz heç-heçəyə (0:0) razılaşıblar. Tura sabah baş tutacaq “Cəbrayıl” – “Difai” oyunu ilə yekun vurulacaq.
Azərbaycan I Liqası
4-cü tur
2 oktyabr
“Şimal” – “Səbail” 0:0
“Zaqatala” – “Baku Sportinq” 1:1
Qollar: Mətin Qəhrəmani, 22 - Xəyyam Məmmədli, 75.
“Şəfa” – MOİK 4:1
Qollar: Nahid Əliyev, 7. Aqil Nəsibov, 50. Amir Ebrahimzade, 63. Tərlan Quliyev, 84 - Seyxan Fərəcov, 23.
