GlobalInfo saytına istinadən ain.az xəbər verir.
Gürcüstan Dövlət Təhlükəsizliyi Xidməti yaxın zamanda ölkədə 190 min saxta Ermənistan pasportu və 29 min şəxsiyyət vəsiqəsi aşkarlayıb.
Globalinfo.az xəbər verir ki, bunu Ermənistanın müxalif DOK Partiyasının təsisçisi Vardan Qukasyan bildirib.
Onun sözlərinə görə, əməliyyat nəticəsində həmin pasportların Türkiyədə hazırlandığı ortaya çıxıb:
“O sənədlərin hamısı Türkiyənin İzmir şəhərində hazırlanıb. Daha sonra Gürcüstana gətirilib, oradan da Ermənistana keçirilməsi nəzərdə tutulub”.
Qukasyan iddia edib ki, bunlardan 2026-cı ildə keçiriləcək parlament seçkilərinin saxtalaşdırılmasında istifadə edilməsi planlanıb.
İddialara əsasən, bu pasportların son zamanlarda Ermənistana axın edən hindlilərə verilməsi və onların da bu yolla seçkilərə cəlb edilməsi nəzərdə tutulub. Lakin sifarişin dəqiq olaraq kimin və hansı qüvvələrin tapşırığı ilə icra edildiyi məlum deyil. Sözügedən məsələ erməni ictimaiyyətində ciddi müzakirələrə səbəb olub və narahatlıq doğurub.
Ayşən Mustafa
Globalinfo.az
Daha ətraflı məlumat və yeniliklər üçün ain.az saytını izləyin.
