Azərbaycan Premyer Liqasının 7-ci turunun “Zirə”-“Neftçi” oyunundan (2:2) sonra meydan sahiblərinin baş məşqçisi Rəşad Sadıqov jurnalistlərin suallarını cavablandırıb. Msport.az xəbər verir ki. o, əvvəlcə oyunu dəyərləndirib:
– Futbolçularıma təşəkkür etmək istəyirəm. Yüksək səviyyədə oyun keçirdilər. Komandamdan keyfiyyətli oyun gördüm. Ötən il olan matça bənzədi. Sonluq çox dramatik alındı. 100 faizlik qol epizodu bizdə daha çox idi. Topun qapı xəttini keçib-keçmədiyini bilmirəm. Futbolçularım irəli atıldılar, penalti ilə hesabı bərabərləşdirdik. Hər iki komanda baxımlı futbol oynamağa çalışırdı. Meydançanın vəziyyəti də yaxşı idi. Belə olan halda, oyunların keyfiyyəti də başqa səviyyədə olur. Futbolçulara 3-4 günlük istirahəti verəcəyik. Daha sonra toplanıb, növbəti oyuna hazırlaşacağıq. Ayron Qomisin qırmızı vərəqəsi bizi məyus etdi.
– Davit Volkovun yoxluğu nə ilə bağlıdı?
– Həm Volkov, həm İssa Cibrilla 5-6 həfə bizimlə olmayacaq. Zədəlidirlər. Sırf hücumçumuz yox idi.
– Yeqor Boqomolskini o vaxtdan çox istəyirdiz. Ondan nə dərəcədə razısız?
– Fərdi olaraq dəyərləndirsək, ondan razıyam. Etimadımızı doğruldur, çalışır, istəklidir. Hər oyunda 100 faizlik qol şansı olur. Bu gün də epizodu var idi, fərqlənə bilmədi. Belə davam etdikcə, inkişaf edərək, faydalı oyunçuya çevriləcək.
– Hücum xəttində sıxıntı görünür…
– Bu il hücum xəttində ciddi problemlər yaşayırıq. Zədəlilərimiz var. Brahim Konate dünən məşq etməmişdi, məcburiyyətdən onu meydana buraxdıq. Hücum xəttində sıxıntılar yaşayırıq.
