Azərbaycanın BMT-dəki daimi nümayəndəsi Tofiq Musayev BMT Baş Assambleyasının Xüsusi Siyasi və Dekolonizasiya Komitəsinə (Dördüncü Komitə) müraciət edib.
APA xəbər verir ki, bununla bağlı nümayəndəliyin “X” hesabında məlumat verilib.
“Beynəlxalq hüququn tam şəkildə tətbiqinin təmin olunması, BMT Nizamnaməsində əksini tapan öz müqəddəratını təyinetmə prinsipinin irəlilədilməsi və Baş Assambleyanın müvafiq qətnamələrinin effektiv icrasının təmin olunması üçün daha çox diqqət və səylərin göstərilməsinə ehtiyac vardır ki, kolonializmin bütün formalarının tamamilə aradan qaldırılması mümkün olsun”, - müraciətdə deyilir.
