Ötən gün baş tutan "Qalatasaray" - "Beşiktaş" matçı heç-heçə başa çatıb - 1:1.
Keçmiş hakim, indi isə ekspert kimi çalışan Deniz Çoban görüşün təkrar edilə biləcəyini deyib.
Buna səbəb “Beşiktaş”ın əvəzetmələrə görə maksimum 3 dəfə oyunu dayandırmaq hüququna malik olmasına baxmayaraq, dörd dəfə etməsi olub. Lakin bu səhv hakim Yasin Kolun əvəzetmələr tamamlanmadan 65-ci dəqiqədə oyunu yenidən başlatmasına görə başa verib. O, bunu başa düşərək qalan əvəzetmələrə icazə vermək üçün matç hələ də davam edərkən oyunu yenidən dayandırıb.
Qaydalara görə, davam edən bir oyun futbolçu dəyişikliyinə görə dayandırıla bilməz.
D. Çoban "Trio" proqramında bu fikirləri səsləndirib:
"Beşiktaş" əvəzetmə etdi. Hakim Osimhenin zədələnməsinə görə oyunu dayandırdı. Oyun yerə atılan topla başladı. 10 saniyə keçəndən sonra 4-cü hakim tərəfindən xəbərdarlıq edildi. Hakim oyunu dayandırdı. Oyun davam edərkən əvəzetmə üçün oyunu dayandırmaq olmaz. Hakim oyunu dayandıraraq səhv etdi".
Çoban sözlərinə belə davam edib: "Beşiktaş"da iki əvəzetmə hazır olsa da, hakim ilkindən sonra oyuna yenidən başlayıb. Bu, hakim üçün əhəmiyyətli bir səhvdir. Bu, niyə vacibdir? Futbolun qayda və qaydalarına görə, hər komanda beş əvəzetmə edə bilər. Fasilə olmadığı halda, üç dəfə oyunu dayandırıb beş əvəzetmə edə bilər".
Oyun barədə yekun qərarı TFF verəcək. Ya hesab olduğu kimi qalacaq, ya da oyunçu dəyişikliyi anından etibarən təkrardan oynadılacaq. 3-cü variant isə görüşün tamamilə yenidən keçirilməyidir. Baş hakim Yasin Kolun epizod barədə fikirləri öyrənildikdən sonra son qərar veriləcək. (Offsideplus.az)
