Baş nazir Sebastien Lekornu hökumətində müdafiə naziri təyin edilən Fransanın keçmiş iqtisadiyyat və maliyyə naziri Bruno Le Maire istefa verdiyini açıqlayıb. Bu, onun təyinatının müxalifət tərəfindən tənqid edildikdən sonra baş verib. O, ümid etdiyini bildirib ki, onun gedişi yeni hökumətin tərkibi ilə bağlı danışıqların davam etdirilməsinə imkan verəcək.
"Mən qəbul edirəm ki, mənim qərarım bəzi insanlarda anlaşılmaz, yalan və qeyri-mütənasib reaksiyaya səbəb olur" deyə Bruno Le Maire X sosial media platformasında yazıb.
“Bu halları nəzərə alaraq, mən respublika Prezidentinə hökumətdən dərhal istefa verməyi və səlahiyyətlərimi Baş Nazirə verməyi təklif etdim”, o, təklifin prezident tərəfindən təsdiqləndiyini bildirib.
Əziz Mustafa
