"Qalatasaray" uruqvaylı futbolçu Lukas Torreiraya yeni müqavilə təklif etməyi planlaşdırır.
Missiya.Az xəbər verir ki, kluba 2022-ci ildə qoşulan və ardıcıl üç çempionluqda mühüm rol oynayan 29 yaşlı yarımmüdafiəçinin hazırkı müqaviləsi 2028-ci ildə başa çatır. İstanbul təmsilçisinin Torreyra ilə müqaviləni 2030-cu ilə qədər uzatmaq istədiyi bildirilir.
Qeyd edək ki, futbolçu bu mövsüm 10 oyunda 1 qol və 2 məhsuldar ötürmə ilə yadda qalıb.
Seyranə QuliyevaMissiya.Az
