Təcrübə göstərir ki, insan nəyə maraq göstərirsə, o şey ona ürcah olur və yaxasından qopmur. Xalqımızın oğrulara, quldurlara, kriminallara... ürcah olmasının da səbəbi onlarla çox maraqlanması, onlardan oxumasıdır. Belə mövzuları oxuyanlar həm mənəviyyatdan kasıb qalırlar, həm də maraqlandıqlarına ürcah olurlar.
Əvvəllər paylaşdığım bir statusumda bəzi günlərdə kitab mağazalarında aksiyalar keçirərək, övliyalar (Allah dostları, kəramət sahibləri) haqda yazdığım kitabları gələnlərə pulsuz paylamağımdan bəhs etmişdim. Təəssüf etmişdim ki, kitab hədiyyə etdiyim on oxucudan səkkizi kitabın mövzusunun insanın mənəvi kamilləşməsi olduğunu görüb, kitabı özümə qaytarırdılar və həmin mağazadan baha qiymətə dedektiv kitablar alıb gedirdilər. Hətta bəziləri mənə xatırladırdılar ki, indi XXI əsrdir (Yəni, bu nə kitablardır bizə hədiyyə edirsən?)....
İndi mən həmin cahillərə deyirəm: indi XXI əsr olduğu halda niyə başınızda oturanlar oğrular, quldurlar, banditlərdir??? Niyə onlardan canınızı qurtara bilmirsiniz??? İyirmi il bundan qabaq sizin bugünkü duruma düşəcəyinizi bildiyimə görə, nisyə çap etdirdiyini o kitabları sizə pulsuz paylayırdım ki, bəlkə mənəviyyatınızı paklaşdırasız, Allaha yaxınlaşasız ki, qurda-quşa (oğruya, banditə) yem olmayasız. Amma siz o kitabları forsla üstümə atıb, gedib banditlərin (dedektiv) kitablarını satın aldınız (bantitlərlə maraqlandınız, onlarla nəfəs aldınız). Hələ də oğrularla, quldurlarla nəfəs alırsınız. Amma, artıq nəfəs almağınız çətinləşib; quldurların qiymət artımları sizin nəfəsinizi kəsmək üzrədir.
Daha əvvəllər buradan bir yazı da paylaşmışdım - Xızır Zində (Beşbarmaq) pirində kitab satarkən müşahidə etdiklərim barədə. (Qeyd edim ki, mən həkim olmazdan öncə yazıçı idim və əsas mövzum Allah dostlarının, kəramət sahiblərnin həyatını araşdırmaq idi.) O vaxt statusda yazmışdım ki, Xızır Peyğəmbər və onun adına olan pirdən bəhs edən 160 səhifəlik, qalın obloşkalı araşdırma kitabımı həmin pirdə ziyarətçilərə satmaq istəyirdim ( nəşriyyat borclarını ödəmək üçün). Amma, kitabı dəyərindən ucuz təqdim etməyimə baxmayaraq, ziyarətçilərin heç biri kitaba əhəmiyyət vermirdi. Fikir verirdim ki, bu hal kasıblıqdan deyil, harınlıqdan irəli gəlir. Çünki, görürdüm ki, kitabı almayanlar gedib bir neçə manat verib eşşək minirlər. Maraq üçün kitabı aparıb eşşəklərin yanına qoydum və üstünə qiymətini iki manat yazdım ki, (eşşək minmək iki manat idi) görüm insanlar iki manatlarını nəyə xərcləyəcəklər: kitaba, yoxsa eşşəyə? Gördüyümdən dəhşətə gəldim: insanlar yenə də pullarını ziyarətinə gəldikləri övliyanın həyatını öyrənməyə deyil, eşşək minməyə xərcləməyə üstünlük verdilər...
O vaxt bu mövzuda yazdığım məqalənin adı belə idi: "Pulunu kitaba deyil, eşşək minməyə sərf edən xalqın eşşək kimi minilməsi təbiidir".
Nəhayət, bu kimi xoş niyyətlərimi, əziyyətlərimi nəzərə alıb, Rəbbim məni həkim qərar verdi və peyğəmbərlərə bəxş etdiyi elmi (elmi-lədun) mənə də bəxş etdi. İndi bu elmlə tibb elminin sağalmaz hesab etdiyi xəstəlikləri də sağaldıb, insanlara belə xidmət edirəm. Bir vaxtlar kitablarımı bəyənməyib üstümə atan, XXI əsri gözümə soxan insanlar indi onların xəstəliklərinin sirrini açan kitablarımı oxumaq məcburiyyətindədirlər (!). (Nuh Peyğəmbər gəmi düzəldəndə onun gəmisini murdarlayanların aqibətini yada salın.)
Mənim aqibətim (həkimlik fəaliyyətim) göz önündədir: sağalmaz xəstəlikləri sağalda bildiyimdən dünyanın bir çox ölkələrindən, cürbəcür millətlər elmindən faydalanırlar (Qüdrət ALLAHA məxsusdur) . Bəs oğruların, quldurların həyatını öyrənənlərin (dedektiv oxuyanların) aqibəti necədir? Oğrulardan (onların qoyduqları cərimələrdən, qiymət artımlarından...) canlarını qurtara bildilərmi? İndi deyin görüm neçənci əsrdir və siz neçənci əsrə uyğun yaşayırsınız???
Söz ardı: Bu elm mənə veriləndən sonra dəfələrlə məni şərləyib əziyyət vermək istəyiblər... Hər dəfəsində yazdıqlarımın köməyini, mühafizəsini hiss etmişəm, qabaqcadan xəbərdar olunmuşam və şərləmək üçün gələnlər peşman olublar (ona görə sağ qalmışam).
Bəs sizdə necədir, sizi şərləmək istəyəndə oxuduqlarınız dadınıza çatıbmı???
Paşa Yaqub ,
Həkim, elmi-lədun bilicisi, 39 kitab müəllifi
