İsrail Qəzzada atəşkəs razılaşmasının birinci mərhələsi çərçivəsində ömürlük həbs cəzasına məhkum edilmiş 88 fələstinlini azad edib.
7News.Az xarici mətbuata istinadən xəbər verir ki, Fələstinin rəsmi xəbər agentliyi WAFA-nın verdiyi xəbərə görə, İsrail Qəzzada atəşkəs və əsir mübadiləsi çərçivəsində işğal altındakı İordan çayının qərb sahilindəki Ramallah şəhəri yaxınlığında yerləşən Ofer həbsxanasından fələstinli məhbusları azad edib.
Hesabatda atəşkəs razılaşmasının birinci mərhələsi çərçivəsində ömürlük həbs cəzasına məhkum edilmiş 83 fələstinlinin sərbəst buraxıldığı bildirilib.
Qeyd edək ki, Həmas Qəzza zolağında atəşkəs və məhbus mübadiləsi razılaşması çərçivəsində 20 israilli məhbusu BQXK nümayəndə heyətlərinə təhvil verib və sağ qalan bütün israilli məhbusları azad edib.
Fələstin Məhbusları Media Ofisi həmçinin atəşkəs çərçivəsində İsrail tərəfindən azad ediləcək ömürlük həbs cəzasına məhkum edilmiş 250 fələstinlinin, həmçinin 2023-cü ilin oktyabr ayından Qəzzada saxlanılan 1718 nəfərin siyahısını dərc edib.
