Tailandlı baytarlar Kao Tom adlı fil balasını xilas ediblər.
İnterpress.az xəbər verir ki, bu barədə yerli media məlumat yayıb.
Tailandda veterinarlar Kao Tom adlı fil balasını həyatda saxlayıblar.
Cəmi bir neçə gün əvvəl bala filin vəziyyəti ağır idi. O, bir manyok plantasiyasında tapılıb – yaralı, zəif və tək, cəmi 24 saatlıq.
Balaya ortopedik şinlər, ultrason terapiyası və maqnit stimulyasiyası tətbiq olunub. İndi o, süd içir, hərəkət edir və xəsarətləri sağalır.
Ana fil balasını axtarır, amma onun necə itməsi hələ məlum deyil.
Xuraman Etibarlı
İnterpress.az
