Ukrayna Prezidenti Volodimir Zelenski Ağ Evdə ABŞ Prezidenti Donald Trampla görüşünün nəticələrini növbəti dəfə şərh edib.
Yeniavaz.com xəbər verir ki, bu barədə Zelenski “NBC News” telekanalına müsahibəsində danışıb.
Ukrayna prezidenti etiraf edib ki, hələ istədiyinə nail olmayıb, lakin amerikalı həmkarından qəti imtina eşitməyib:
“Prezident Trampın “yox” deməməsi yaxşı haldır, lakin bu günə kimi o, “hə” də deməyib”.
Zelenski həmçinin bildirib ki, Ukrayna Silahlı Qüvvələrinin uzaqmənzilli raketlərlə mümkün təchiz olunması Putini ciddi narahat edir:
“Düşünürəm ki, Putin ABŞ-nin bizi “Tomaqavklar”la təmin edəcəyindən qorxur. Məncə, o, həqiqətən bizim onlardan istifadə edəcəyimizdən qorxur. O, bilir ki, onun hərbi hədəflərinin harada olduğunu bilirik”.