Bakı, 21 oktyabr, AZƏRTAC
"Neftçi" basketbol komandası FIBA Avropa Kubokunun əsas mərhələsində bu gün növbəti oyununa çıxacaq.
AZƏRTAC xəbər verir ki, paytaxt təmsilçisi Bakıda Estoniya təmsilçisi "Kalev/Kramo"nu sınağa çəkəcək.
Bakı İdman Sarayında keçiriləcək görüş saat 18:30-da başlayacaq.
Qeyd edək ki, "Neftçi" ilk görüşdə Polşanın "Trefl" klubuna 63:92 hesabı ilə məğlub olub. Komanda növbəti oyununu Türkiyənin "Bursaspor" kollektivinə qarşı keçirəcək.
