"Luvr muzeyinin qarətindən dəymiş zərər 88 milyon avro dəyərində qiymətləndirilir".
Publika.az AFP-yə istinadla xəbər verir ki, bu barədə Paris prokuroru Lor Beko məlumat verib.
O qeyd edib ki, zərərin dəyəri birbaşa muzeyin özü tərəfindən hesablanıb.
Xatırladaq ki, oktyabrın 19-da səhər saatlarında Luvr muzeyi qarətə məruz qalıb. Cinayətkarlar Apollon qalereyasına daxil olaraq doqquz ədəd zinət əşyasını oğurlayıblar. Artıq imperatriça Yevgeniyanın - Napoleon III-ün həyat yoldaşının tacı tapılıb, lakin o, küçədə sınmış vəziyyətdə aşkarlanıb. Cinayətkarların axtarışı davam edir.
Oğurlanan eksponatlardan biri imperatriça Yevgeniya de Montixonun ayaqbağıdır. Muzey onu 6,72 milyon avroya almışdı. Fransanın Mədəniyyət Nazirliyi tərəfindən tərtib olunan itkin əşyalar siyahısında həmçinin tiara, boyunbağı və sırğa yer alır. Bu zinət əşyaları əvvəlcə Hollandiya kraliçası Hortensiya de Boqarneyə, sonra isə Fransa kraliçası Mariya Amaliyaya məxsus olub. Siyahıda həmçinin Fransa imperatriçası Mariya-Luizaya aid zümrüd boyunbağı və sırğalar, eləcə də “relikvari broş” da var.
