Xarkova dron zərbəsi: ölən və yaralananlar var
Ajans.az xəbər verir ki, bu barədə Xarkov meri İqor Terexov özünü "Telegram" kanalında məlumat verib. "Xolodnoqorski rayonunda özəl uşaq bağçasına zərbə dəyib, uşaqlar yaralanıb. Zərbə yerində yanğın baş verib", - deyə o qeyd edib. Xarkov vilayətinin regional hərbi administrasiyasının rəhbəri Oleq Sinequbov Rusiyanın hücumu nəticəsində 4 nəfərin xəsarət aldığını bildirib. "Onlardan ən azı ikisinin vəziyyəti ağırdır. Həkimlər hadisə yerində işləyirlər", - deyə o nəzərə çatdırıb. Sinequbov daha sonra əlavə edib ki, hücum nəticəsində 40 yaşlı kişi ölüb. Hazırda daha 5 nəfərin yaralandığı məlumdur. Həmçinin Xarkov merinin sözlərinə görə, bütün uşaqlar artıq bağçadan təxliyə ediliblər, lakin yanğın davam edir. Terexov bildirib ki, zərbə, çox güman ki, dron vasitəsilə həyata keçirilib. 
