BAKI, 27 oktyabr. TELEQRAF
İngiltərə Premyer Liqasının (İPL) doqquzuncu turunda "Arsenal" evdə "Kristal Pelas"ı 1:0 hesabı ilə məğlub edib.
Teleqraf xəbər verir ki, bu "topçular"ın Premyer Liqada 700-cü qələbəsi olub.
London təmsilçisi İPL tarixində bu saya çatan ikinci komandadır. "Arsenal" yalnız "Mançester Yunayted"dən geri qalır. "Qırmızı şeytanlar"ın aktivində 760 qələbə var.
Qeyd edək ki, "Arsenal" növbəti turda "Börnli" ilə qarşılaşacaq.
