EN
Topics
World
30.10.2025 ◦ 15:57

Tramp nüvə sınaqlarının dərhal başladığını elan etdi

Ajans.az xəbər verir ki,prezident bu barədə özünün Truth Social platformasında paylaşım edib. Trampın sözlərinə görə, ABŞ hazırda “dünyanın ən böyük nüvə silahı arsenalına” malikdir: “Rusiya ikinci, Çin isə xeyli geridə qalaraq üçüncü yerdədir, lakin beş il ərzində bərabərləşəcək. Digər ölkələrin sınaq proqramlarını nəzərə alaraq, Müdafiə Nazirliyinə nüvə silahlarımızı bərabər əsasda sınaqdan keçirməyə başlamağı tapşırdım. Bu proses dərhal başlayacaq,” — deyə Ağ Ev rəhbəri bildirib. Tramp həmçinin ABŞ-ın Rusiya ilə nüvə tərksilahı mövzusunda danışıqlar apardığını qeyd edib.

Ekspertlərin fikrincə, bu qərar ABŞ-ın 1992-ci ildən bəri dayandırdığı nüvə sınaqlarını bərpa etməsi anlamına gələ bilər və beynəlxalq təhlükəsizlik balansına ciddi təsir göstərə bilər.

Chosen
7
Ajans.az

1Sources