Alimlər Günəş sisteminin xaricindən gələn 3I/Atlas kometinin cazibə qüvvəsinin təsiri xaricində sürətləndiyini müəyyən ediblər.
Manset.az-ın "NBC News"a istinadən məlumatına görə, Milli Aeronavtika və Kosmos İdarəsinin (NASA) məlumatlarını araşdıran Harvard Universitetinin astrofiziki Avi Loeb, bu qeyri-adi sürətlənmənin göy cismindən çıxan qazın səbəb ola biləcəyini bildirib.
Loeb, ALMA Rəsədxanasından əldə edilən məlumatların kometin əvvəllər hesablanmış trayektoriyasından kənara çıxdığını və onun hesablamalarına görə, 3I/Atlas kütləsinin təxminən altıda birinin buxarlandığını və nəticədə geri çəkilmənin itələmə qüvvəsini təmin edə biləcəyini ifadə etdi.
Loeb, kometanın bir-iki həftə ərzində Günəşin arxasından keçəcəyini və nəticədə ortaya çıxan görüntülərdə nəhəng qaz buludu və "son dərəcə parlaq" komet quyruğunun görünəcəyini bildirib.
İyul ayında kəşf edilən 3I/Atlasın Yerə və ya qonşu planetlərə heç bir təhlükə törətmədiyi və dekabr ayında 269 milyon kilometr məsafədən keçərək Yerə ən yaxın yaxınlaşmasını edəcəyi təxmin edilir.
