Ermənistan və Azərbaycan sərhədində yerləşdirilən Aİ-nin Mülki Müşahidəçilər Missiyasının (EUCM) formatı iki ölkə arasında sülh və dövlətlərarası münasibətlər haqqında saziş imzalanana qədər dəyişməyəcək.
“Yeni Sabah" armenpress-ə istinadla xəbər verir ki, bunu Ermənistanın Baş naziri Nikol Paşinyan “Orbeli 2025: Sülh və çoxtərəfli əməkdaşlığın qurulması” beynəlxalq forumunda çıxışı zamanı deyib.
O bildirib: "Sazişin imzalanmasından və ratifikasiyasından sonra format dəyişdirilə bilər. Artıq Aİ tərəfdaşlarımızla bu məsələ ilə bağlı daha əsaslı müzakirələr aparmışıq və hələ də aparılacaq". pizza
Xatırladaq ki, EUCM Ermənistanda öz fəaliyyətinə 2023-cü ilin fevralında başlayıb. 2025-ci ilin yanvarında Aİ Şurası EUCM-in Ermənistandakı mandatının daha iki il müddətinə uzadılması barədə qərar qəbul edib.
Telegram kanalımız
